T7l6m

يحكي صديق بحسرة و أسى تفاصيل آخر لقاء له بأصدقاء طفولته من عيال فريجهم :
قعدنا نسولف ولما خلصت السوالف وبدينا نظغط بعض،بحكم صداقتنا المتجذره منذ عدة عقود
طمر واحد و علشان يحركشنا بالسوالف قام ينقد على الحريم

تصدقون فلان يقول حريمنا عقب أول ياهل تصير بطه،عقب الثاني دبه،وعقب الثالث فيل
سأل واحد عيل عقب السادس أو السابع شتصير
ما فيها روح تعال هذي ديناصور

أدلى العبدلله بدلوه وقلت حرام عليكم ياجماعه ترى المره تحوشها تغيرات طبيعيه من تكرار الحمل والولاده والرضاعه،شلون تبون عيال بدون (سايد إفكتس)
أنا قلت هالكلمتين وكلوني بقشوري،إللي يقول شوف الأجنبيات،وإللي يقول علميا هالكلام مو صحيح،وإللي يقول روح زين بدون أي تعليق إضافي
الزبده سكتوني لا ودقروني بعد
رد ثاني قال خل المتن على كتر أكو حريم كشختهم حق الطلعه وبالبيت داثرين
أييده واحد وزاد عليه موضوع الإهتمام بالبيت والعيال وإهمال الزوج
علق آخر, يقول: إللي أضرط(باردون عالتعبير)إللي لاهيه بالسوقه والسفرات

طبعا كلهم قالوا الحمدلله حريمنا مو كذي إحنا نتكلم بعموميات

سأل واحد،بحكم ان معظم الحضور في مرحلة المراهقه المتأخره،لو يقولون لك تاخذ ثانيه شنو تبي مواصفاتها ؟
الأول: أبيها ضعيفه و سمره
المجموعه:مالك إلا اليمن كلهم زيتونات(جمع زيتونه مرت بوباي)
الثاني: أبيها بييييضه وربة بيت
المجموعه:روح سوريا
الثالث:أبيها كتكوته ودلوعه
المجموعه: لبنانيه
الرابع:مابيها دلوعه أبيها إهي تدلعني
المصبنه:مغربيه تحوفك حوف
الخامس:أبيها تهتم بأناقتها و تتابع الموضه والأثاث والديكورات،عصريه بمعنى الكلمه
الخمه:بسيطه،دش أي مول ونق أي وحده مو لابسه عباة بس نحذرك الصلاحيه حتي الحمل

حولوا علي :ها و أنت شتبي من مواصفات؟
قلت حبايبي:عتيج الصوف…… وقبل لا أكمل قاطعوني
المجموعه: فهمنا ,قصدك “إقضب مينونك”
و فطسوا من الضحك
ويكمل بنبره حزينه
وكانت آخر جلسه لي مع هذه المجموعه،ليس لأنهم غير مسلين،أو يفرضون آراءهم علي،أو لعداوة أو خلاف مع أحدهم،وليس بسبب آراءهم فهم أحرار فيها

سألته: ليش عيل تركتهم؟
لأن المدام قالت:” مو قايلتلك لا تروح لهم،إذا رحت هناك مره ثانيه أحش ريلك”