تذكرون الموضوع إللي شغل الدنيا كلها الصيف إللي طاف
وعطل الناس بالمطارات يعبون كروت ويقيسون لهم سسترات حرارتهم,وبعدين خلوهم يمرون علي كاميرات ترمومترات
والناس الغت سفرها أو إنحاشت عن أسبانيا وأمريكا ومصر
ومددوا عطلة المدارس بسبته
وإذا عطس واحد اللي يمه ينحاشون مخلفين اثار هرده في كراسيهم
والجرايد ماعندها موضوع غيره بالصفحه الأولي والصفحات الداخليه
تحقيقات ومقابلات وإحصائيات ومتابعه غير عاديه للحدث في كل العالم
وكل يوم نتابع معدل الإصابات محليا وإقليميا ودوليا,يوم فوق ويوم تحت
والصحه إنفضحت ,مختبرات خرطي ومواعيدهم طواله
الواحد يستمرض ويطيب وما طلعت نتيجة تحليله
وكل ماياهم أحد منشول عطوه هالمضاد
فيه المرض ,مافيه المرض , شايب, ياهل: عادي إخذ “تاميفلو”
ومستشفى الحميات,قصدي الأمراض الساريه,صار أشهر من الأهرامات من كثر الصحفيين
والحج صارت عليه قصه وفتاوي ومنعوا اليهال والشياب من الحج
ودول منعت شعبها كله من الحج
بعدين طلعت سالفة التطعيم
وعلقوا الناس ناطرين المصل وياطلابة المصل
وطلع المصل والشحنه ماتكفي كل الناس وقالوا نجرب باليهال
وطلعت عليه سوالف والناس خافت تطعم
والوزرا صاروا قدوتنا وطعموا
وإستمرض العفاسي وسدحوه كم يوم بسبة التطعيم
وفجأه صخه
إنحسار إنفلونزا الخنازير
أسف قصدي H1A1 صج نسيت أقولكم منظمة الصحه العالميه غيرت إسمه
ومثل ماطلع فجأه إختفى فجأه ولا عرفنا شسالفته
وإذا قلنا كل السالفه جمبزه علشان يرفعون أسهم شركات الأدويه والتأمين
بالإضافه إلى مأرب أخرى
قالوا نظرية المؤامره وإذا يبي يتميلح قال conspiracy thoerey
وإذا مو مؤامره قولولي شنو عيل؟
T7l6m 
لووووووووول
اي و الله ذكرتنا بانفلونزا الخنازير
عذرا H1A1 >> بس مو اهيا H1N1 خبري جذي ..هذا التغير ؟
عاد احنا كلش ما اهتمينا بهالسالفه موليه ..
اممم انا اتوقع مؤامره ..conspiracy Theory لوول بتمليح شوي;q
احس السالفه اتشوق اذا قلنا مؤامره ^^
قواك الله 🙂
وشكرا على التذكير ^__^
أولا عيدج مبارك وإن كان في ثالث العيد ومتأخر
وما سأفتقد كثير(فقدناه وخلصنا)
أهمه جو رمضان بكل أوجهه وروحانياته
الزحمه في مسجدنا الصغير وتزاحم الناس عند الخروج بعد صلاة المغرب ،خصوصا
جريدة باكر تقراها اليوم
زحمة الشوارع ليلا والجمعيات طوال اليوم
(هذا تعليق على بوست بمدونتج عيزت وما يمشي معاي ( مادري شالسالفه
والإسم مال إنفلونزا الخنازير والله مادري A orN
وسالفة ما إهتمينا شوي قويه
والله يقويج
كل مرة جذي
انفلونزا الخنازير وفجأة صخة
وقبلها انفلونزا الطيور وفجأة صخة
وقبلها الجمرة الخبيثة وفجأة صخة
مادري شقصتهم
اذا على الادوية الله يهداهم الأدوية والمستشفيات أكثر تجارة ماشية طول السنة،
أتوقع في مؤامرة خلف المؤامرة
بس قلبت المواجع مادري الذكريات 🙂
الحمدلله مو بروحي يعتقد بالمؤامره
ونسيتي تذكرين “سارس” اللي بهدل الصينيين
وعقبها صخه
شكـــــــــــــــــرن 🙂
الحافظ الله
🙂
مافي شك سبحانه الحافظ
العام هالحزة كنت كل يوم اكلم ممرضة المدرسة, اشوف جم ياهل مصخن وجم ياهل ردوه البيت وجم بيت بلغ عن حالة h1n1
وعلى ما قررت اني اخلي اليهال يروحون والا ما يروحون المدرسة كان حالي كل يوم يقول -اهني والا داري داري والا اهني, علموني!-
الله خير حافظ
عفسوا ناس وايد
الدنيا كلها إنخبصت
بس الحمدلله
وايامك سعيده .. وتقبل الله منا ومنك :)> وان كانت متاخره .. بس حلو لي الحين الشعور
لوول ضحكت على جريده باجر نقراها اليوم ..صح كلامك .. افا شفيها المدونه عليك .. حسافه ..
لوول اي مااهتمينا يعني كنا نمرض ومانروح الطبيب بس الاهتمام كان حق الي بالمدارس اكثر …
مره ثانيه السموحه المدونه ما ادري شفيها 😦