سألني ,على غشمره ,صديق الطفوله والدراسه والرومايت في الغربه
إتحلطمون في الدوانيه!
قلت أكو واحد مايتحلطم بالبلد
ضحك وأمن على كلامي
قلت المشكله أن الناس تتذمر وتشكي مو لأن الكويت مو زينه
المشكله أن الواقع أقل من إمكانياتنا بوايد ، ومستوانا لازم يكون أفضل بكثير
قال:صح كلامك كنه واحد شاطر بدراسته ويسقط
الواحد ماينلام إذا شكى وتذمر وتحلطم،وشق هدومه من القهر بعد
الخير ولله الحمد وايد،والقوانين موجوده،وفي مؤسسات مجتمع مدني،وصحافه
وناس واعيه,وخريجين,وحملة مؤهلات عليا بكل التخصصات
وبالمقابل أوضاعنا تضييق الخلق،وراح أقتصر على الأشياء المباشره
شلون هذا مستوي التعليم وميزانية التربيه والتعليم العالي كثر ميزانية بعض الدول والمدرسين (مستورد)
شلون تنقطع الكهربا،أو تعيش في رعب تهديد الإنقطاع،،وإحنا دوله مصدره للطاقه
شلون نصدر مرضى للعلاج في الخارج ونصرف مليارات عليهم
وإحنا من ستين سنه نبني مستشفيات ونستورد أجهزه و مختبرات ودكاتره وسسترات
شلون عندنا روتين نفس إللي بالأفلام العربيه وكل موظف جدامه كمبيوتر وخريجين الإداره (زي الرز)
شلون شوارعنا تقول حلبة مصارعة ثيران ودوريات الداخليه B.M.W وكاميرات وقوانين
أعتقد إن السر في مجموعة مسؤولين يتبنون نظرية
“إللي مو عاجبه يطق راسه بالطوفه”
وأقولهم ياويلكم من الله
T7l6m 
مال عمك لا يهمك و شئ بلاش ربحه بين و شعرة من جلد الخنزير فايدة و يا عمي يعني انا اللي بغير الوجود و بقت علي انا ، كلها امثلة و مقولات يسير عليها الواقع الكويتي اليومي و كلها تنافي قوله تعالى ” لا يغير الله ما بقوم حتي يغيروا ما بانفسهم ” و الحمدلله على كل حال
صج يا ويلكم من الله ..
كما تكونوا يولى عليكم والمسؤولين مو يايين من بره على فكره.العيب فينا كلنا كشعب ما عندنا غير الكلام وبس .