Articles

يا عقد

In عام on 24/08/2010 by t7l6m

ما كو أحد ما سمع عن عقدة الخواجه
وهي عقده فعليه يعاني منها أصحاب القرار في معظم العالم الثالث
و منها الدول العربيه،والكويت ليست إستثناءا من هذه القاعده
ويعتقد المعقد أن الأجنبي أفضل من الوطني
وتصف العقده ،أساسا، النظره إلى الأفراد الأجانب
إلا أنها تستخدم مجازا لوصف تفضيل السلعه الأجنبيه على الوطنيه

دردشت ويا صديق بالموضوع هوايته التصوير
هوايه لكن صوره مستواها بمستوى المحترفين بشهادة المحترفين نفسهم
يقول طلب فندق مني مع زميل لي تصوير قاعات الفندق ومطاعمه والغرف
وكان مدير الفندق الأجنبي يكلمنا وهو مو مقتنع لأن آخر مره إللي صوروا كانوا أجانب
لكن لما شاف عينات الصور وايد إعجبته وقرر يكلفنا بالتصوير
يقول حتى أسلوبه بالكلام معانا تغير

قلت حق صاحبي يمكن لأنه أجنبي ما عنده عقدة الخواجه
وذكرت كم سالفه عن عامل أمريكي عينوه خبير بالنفط وهو مايفتهم
والمستشار الأجنبي إللي عينه البنك المركزي في منصب كبير
وبعد فتره بسيطه إنحاش وبعث إعتذار عن قبول المنصب لأنه يخب عليه

وأنا واثق إن في أمثله كثيره مشابهه
و أقول لأصحاب القرار لايغرونكم الأجانب بأشكالهم أو بكم كلمه
خلوا تقييمكم للشخص على شهادته وخبرته وإنتاجيته
وصدقوني في كويتيين أفضل من مليون أجنبي
وبعضهم ما يفضحونكم ولا يطلعون خمالكم

وهذا موقع صور رفيجي إخذوا نظره (مادري شقصته ويا الكنايس)
http://www.flickr.com/photos/tayseerh

Advertisements

5 تعليقات to “يا عقد”

  1. ماشالله مبدع رفيجك 🙂
    الله يوفقه

    وفعلا كلامك عقدة الخواجة موجودة للأسف عند كثييير من المسؤولين
    مادري متى يفتهمون ؟!

  2. الكويتي افضل و الله افضل ، ترى الاجانب مو احسن مننا بشئ ، صديق هندي معاي بالدوام يقول الامريكان ياخذون فلوس بالهبل بس لانهم بيض و شقر . طبعا كلنا بشر و كلنا متساوين الفرق هو التفاني و الاخلاص ” و الله من وراء القصد” ، اللهم تقبل صيامنا و ارحمنا و اغفر لنا و اجعلنا من عتقائك و الحمدلله

  3. بالضبط!
    بالمناسبه ترا اهو صج بروفيشنال كل التوفيق 🙂

  4. بس ودي اعرف؟
    رفيجك هذا من نفس مجموعه الصجمه والستريو والجعص؟؟؟
    ماشاءالله عليه احتراف بروح فنان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: