شخصيه غير عاديه لأنها ببساطه شخصيه إعتباريه
هي شركه كويتيه تأسست في عام الإستقلال
وبعد مايقارب من خمسين عاما منذ إنشائها لا تزال شابه في عطاءها
منتجاتها لايمكن الإستغناء عنها ونستهلكها طوال اليوم
وفي رمضان بدونها نضيع أو على الأقل نتعب
حققت الهدف من إنشاءها وتوسعت في منتجاتها
يمكن وصفها دون مبالغه بزعيمة الأمن الغذائي الكويتي
نستهلك بعض منتجاتها بشكل مباشر
والبعض الأخر يدخل في معظم الأطعمه والمأكولات
أكيد عرفتوها،صح شركة مطاحن الدقيق والمخابز الكويتيه
فعلى كل الوجبات أنواع الخبز والتوست
اللقيمات وكافة المعجنات من طحينهم
المعكرونيه والبلاليط وكل أنواع الباستا
الهريس واليريش
ومانقلي إلا بدلال
حتى البسكوت ينتجونه وبأسعار منخفضه
وما إكتفوا بهذا ،أبدعوا في كتب الطبخ وبلغات متعدده
لتكون وسيله لتسويق منتجاتهم ومصدر إيراد رئيسي
فمني إلى الشركه كل الشكر على جهودهم
والدعاء لهم بالتوفيق
ومع الأسف ما عطوني مجال أتحلطم عليهم
T7l6m 
من احسن المنتجات الكويتيه اهي وكي دي دي << اهو في غيرهم
وتقول عني بطينيه خخخ..
مشكور ع البوست..
K.D.D
قطاع خاص ما أسوليهم دعايه
لازم ياتحلطم تحط المؤسسات الى تهم او تساعد او لها دور كبير بالمجتمع
احم
على سبيل المثال
الخطوط الجويه الكويتيه
شركه المطاحن بالسنين الاخيره حققت طمره نوعيه بصراحه. صار فيه تنوع بمنتوجاتها والانتاج صار وايد احسن.قبل تحس انها مثل الشركات الحكوميه بالدول الشيوعيه لكن الله العالم ان الاداره تغيرت وشالوا جم ديناصور .عموما جهد يشكرون عليه بس يقدرون يسوون ويبدعون اكثر
بصراحة المطاحن شغلهم وايد زين و بين فترة و اخرى يطلعون بمنتج يديد و يكون ممتاز عادة ، الشركة كما نعلم مملوكة للدولة ، ليش ما تاخذ الدولة جم واحد من هل المسؤلين الزنين و تطعم فيهم الشركات اللي ادائها غير مرضي.
طبعا بعد التاكد ان المطاحن ما راح تتاثر برحيل هالاشخاص .
و الحمدلله على نعمته ، اللهم ادمها نعمه و احفظها من زوال.
اقولك اسكت لا يطلع واحد من الوزراء يقول الشركة ترى شطت عن اهداف انشائها، ما يصير تسوي بسكوت و كيك، بس خبر، لا و بس ابيض ما يصير اسمر
تدري لعانة
والله إني سمعت هالكلام من وزير حالي (قبل التوزير)يقول
لازم يبيعون مصانع البسكوت حدهم خبز