برمضان ولله الحمد المساجد تنترس من المصلين
كل الأعمار وكل الجنسيات يصلون بالمسجد
ناس ماتشوفهم الا في رمضان
وناس طول السنه فروضهم بالمسجد
لكن من الأشياء إللي تضيق الخلق وتضايق المصلين الصيحه
ناس صلوا العشاء وقعدوا يهذرون بصوت عالي والناس تصلي التراويح
مافي إحترام للمكان ولا للناس اللي يتعبدون فيه
بعدين عندك اليهال
ناس تييب عيالها الصغار 4 أو 5 سنين, شفهمهم تلقاهم يزعجون أبوهم بلويتهم
ويضيعون عليه صلاته
وفي أبهات أذكي ، مايخلون عيالهم يمهم يبون يخشعون بصلاتهم
وياكلها المقرود إللي صلى يمهم
وهناك فئه من الصبيان إللي ترعرعوا بالمسجد ولا تعلموا أصول الصلاة
عندنا بمسجدنا مجموعه منهم يصلحون تسوي لهم فلم
الإخوان سعاده العود عمره 14 سنه الحين تكن شوي
قام بس يركز على أقصى شمال السقف اثناء الصلاة
أخوه عمره 12 إختصاصه يحاول يضحك إللي يمه بالصلاة ويبذل جهوده لي الركعه الرابعه
عندنا ثنين متان أعمارهم 14 و16 سنه إذا ما سوو شي يتبادلون المراكز أثناء الصلاة
المشكله كل الناس كلموا أبهاتهم بس ماكو فايده
المساجد للعباده ولها حرمه يجب على الجميع إحترام المكان
يحافظون على الهدوء ونظافة وترتيب المسجد
ويحرصون على نظافة الجسم والملابس
والعيال الأبو يجيبهم معاه حرصا منه على تعليمهم الصلاة
لكن في نفس الوقت لازم يحرص على خشوع المصلين
لأن المسجد بيت الله
T7l6m 
لا حول و لا قوة الا بالله العلي العظيم ، منظر مخزي و لن اقول مؤسف ، اخواتي و اخواني هذه الظاهرة اصبحت شائعة في الكثير من المساجد ، و لكن ما يزعجني انه تمت مخاطبة الاباء لكنهم لم يحركوا ساكن او لم يستطيعوا ، و بالمناسبة في احد المساجد التي يقص دها الكثير من المصلين لاداء صلاة الجمعة تتكرر هذه الظاهرة اسبوعيا و لكن ليس من الصبية او الاطفال بل من مجموعة من الرجال المتعلمين ، هناك و بمجرد الانتهاء من الصلاة يدخل وقت دوانية الجمعة ، القصد هنا ان حرمة المساجد اصبحت تنتهك من قبل الكبير و الصغير و السؤال هنا ، هل هناك من مكان لا يزال يتمتع بحرمته ، و الله اعلم و الحمدلله على كل حال
🙂
والله ياجماعه يعتمد على المنطقه
ترى اكو جم منطقه بالكويت المخبل فيها وايد
شنو يتبادلون مراكز يعني هجوم وسط مثلا وضحلنة لو سمحة
نفس كلام ابوي بالضبط!!!! بالضبط!!! بخليه يقراه عشان يحس ان في ناس يحسون نفسه!!!
ابوي دايما يتحسر على هالحال وشلون ان المسجد راحت حرمته عند الاغلبيه و ان الامام ماله كلمه نفس اول والكل يسمع كلمته
لكن انقول ان هالناس ان شاء الله فيها خير! حبيت البوست 🙂