رمضان شهر الصيام
نحرم نفسنا بنهاره عن الأكل والشرب طاعة لله سبحانه وتعالى
وبالنهار وحنا صايمين تهف نفسنا على أشياء وايد
قلاص ماي بارد بها الحر أو بيبسي أو عصير
تروح الجمعيه تبي تاخذ غرض تطلع تارس العربانه:
الله ياحلاة التفاح،شهالخوخ الخنين،وتخم الميوه إللي جدامك
اليهال أكيد خاطرهم بهذا وتاخذلهم كم غرض
يبيله كاكاو، شكلها خوش كيكه…إلخ
بنعمه وفضل من رب العالمين ما يصير بخاطر الكويتي شي
إللي بخاطره يجيبه ملابس،بوك،ساعه،سفره,حتى سياره
ومايردنا شي
لكن تخيلوا واحد برمضان يشوف لحم
ويقول ياريت أقدر أشتريه حق عيالي يتفطرون فيه
ولا فاكهه أو حلويات يتمناها ومايقدر يشتريها
يمكن هالكلام مو بالكويت لكن أكو ملايين من البشر بالدنيا
محرومين من أشياء نعتبرها إحنا بسيطه وسهله ومن كثرها عندنا ننسى مرات إنها نعمه
فيا أخوات ويا إخوان خلونا
كل مره نشتري إللي خاطرنا فيه أو ناكل أو نشرب
نتذكر النعمه الكبيره إللي إحنا فيه ونحمد ربنا إللي عطانا
ونحمد ربنا إللي فضلنا على مليارات من الناس بها النعمه
ونقول: يالله تعينا على حمدك وتديم النعمه علينا
T7l6m 
الحمدلله على نعمته و نعمه ، و الله يحفظ لنا الكويت بلد الخير و الرخص ، في الكويت هناك ظاهرة غريبة في الثقافة الغذائية ، طبعا عندنا في الكويت كل شئ ممكن اتمناه من اصناف الاكل ، لكني اقصد ان في الكويت فقط الاكل اللي نقطه اكثر من اللي ناكله ، واحد من الربع يسوي حركة اعجبتني بصراحة كل يوم رمضان و لا غيره يحط الاكل الزياد في مواعين المنيوم و يوزعه على العمال ، في النهاية اقول الحمدلله على نعمته و نعمة الكويت و اللهم ادمها نعمة و احفضها من زوال
الف مليون الحمدالله
نحمد الله ونشكره ونثني عليه خالق الاكوان خلاق الأمم
اللهم ما اصبح بنا او امسى من نعمة فمنك وحدك لا شريك لك
فلك الحمد ولك الشكر
🙂
يزاك الله خير
بوست رائع
يزاج الله مثله
ومشكوره وحياك الله
الف حمد وشكر والله لايحرمنا من النعمة واديمها علينا اللهم آآآآآآآآآآآميييييييييين
اللهم آمين
يديم النعمه علينا ويعينا نحمده ونشكره عليها
السالفة مو سالقة نقول الحمد لله
و لا نكتب الحمد لله
سلوك يا ناس سلوك