السنه الحمدلله صمنا كلنا مع بعض
وإن شالله نعييد مع بعض
البدايه:
تخيل أول شي تسويه
بأول يوم صيام
أول ماتقعد من النوم
بنشر في يوم رطوبه !
صدقوني تحسون عدل بالبنغاليه عمال النظافه
تهقون أجر صيامهم كثر أجر الموظف؟
شهر الطاعات:
اليوم المسجد متروس لي عينه
مسجدنا صغير وبصلاة المغرب صار مداعم بالطلعه
الكل يبي يلحق على الفطور(Part 2)
على قولة ولدي “إللي يشوف زحمة اليوم مايصدق أن أيام الفطر صفين مانكمل ”
قلتله يامعود كان زين ينترس طول السنه
مبارك عليك الشهر :
تسمعها من ناس وتحس طالعه من قلب واحد فعلا مستبشر بالشهر وفرحان فيه
بوسه,ولمه,وإبتسامته كنه بعرس ولده
وناس تحس و هم يقولونها كنهم يقرون لك مسج
ملاقه رمضانيه:
سؤال من اليهال ماعرفت أجاوبه
جماد تطقه بجماد يطلعلك حيوان؟
زباله تطقها بنعال يطلعلك قطو
وفي الختام,تذكير :قريت قرآن اليوم؟
باقي على الرحمه 9 أيام
وعلى العيد 29 يوم
T7l6m 
وفوق البنشر اللى من الصبح بهالجو الرطب
انك تنسى المفتاح بالسياره والسياره شغاله
ياسلام
رمضان كريم 🙂
ياحبك للفضايح
سبحان الله كل واحد او نيته وعلي نياتكم ترزقون———-هل مره اربعتهم باذن الله?——والله مستعان ——–مبارك عليكم الشهر
السلام عليكم ومبارك عليكم الشهر .اخوي تحلطم اناودي اشطح شوي بسالفه الثقافه الاملائيه
ما لاحظت يا سيدي انحدار الكتابه الاملائيه في الوقت الحالى؟هل المسأله مرتبطه بنوعيه التعليم او قله القراءه ؟ عدم ممارسه الكتابه بشكل عام؟ ام هي ازمه ثقافه بشكل عام؟
انا لاحظت ان حتى اللي ممكن نطلق عليهم قارئين ومثقفين نوعا ما يمارسون نفس السلوك الكتابي . هل يعتمدون على معرفه المتلقي للمعني العام من السياق ام هي هفوات .
لايزعلك الموضوع
طالما نكتب الكلام العامي توقع الغلطات
وإذا المعنى واضح لاتدقق
هذا إذا كان المقصود بكلامك صاحب المدونه
أما إذا كنت تقصد أصحاب التعليقات فأرجوك
لاتعلق وما أرضى تعلق لأنهم ضيوفي مثل ماأنت ضيفي
ومبارك عليك الشهر
انا ما قصدت صاحب المدونه أو أصحاب التعليقات انا اتكلم بالمطلق . الظاهر انت اللي زعلت .انا ما اتكلم عن كلام عامي اللي كذلك يندرج تحت القواعد الاملائيه لكن عن اساسيات الكتابه باللغه العربيه اللي هي لغتنا الام . وللمره الثانيه انا اتكلم بالمطلق ولا اخص احد بعينه
:)))))
المعنى ببطن الشاعر