بالسنه يزورنا مره
وعسى الله يعينا وياكم على حشيمته وتقديره
ونعطيه فرصه ينفعنا ويهذبنا
ونحس بقيمته ونستفيد منه
ونتعلم فيه أشياء زينه
ونتعود على طبايع جديده
نصبر،نسامح،،نستشعر النعمه إللي إحنا فيها
ونشكر ونحمد ونطلب البركه من ربنا
ونحس بالناس ونتعاطف،ونعطف
وإذا سوينا شيئ نسويه بنيه طيبه
ونحتسب أجره عند الله
نقرأ قرآن ,نتصدق
نسلم على الناس,ونبتسم
وعقب الأذان وما أدراك ماعقبه
أولا لا تاكل السفره كلها :الأكل مايطير
خلال الفتره من أذان المغرب إلي الفجر:خصص فترات لراحة فمك
وسيدتي : إذا فيه إسراف بالأكل فأنتي السبب وإذا فيه هدر برضو إنتي السبب
نص إللي ينطبخ ينكت بالخمام
ومعظم النص الأول “بطنك ولا الخمام”
ياجماعه بذمتكم أكلنا وطباخنا ولعبنا بالخير يمشون مع الحكمه من رمضان
مع إني إحس باللي قلته كانه كلمات متقاطعه
مبارك عليكم الشهر
وعاملوه جد و إحترموه وتعلموا فيه
رمضان مو بس أكل ودواوين وغبقات
رمضان عباده
T7l6m 
شكرن عمووو على النصاااااااايح
وكل عام وانت بخير
رمضان شهر الخير و البركة و الزيارات و التبريكات ، نشوف فيه ناس نشوفهم من رمضان الى رمضان ناخذهم بالاحضان و نبارك الشهر حق بعض و ما يخلى اللقاء من بوستين و لا ثلاث حت من الناس اللي نشوفهم كل يوم ، في ديرتنا نحتاج روحه رمضان في التواصل و التسامح ان تستمر طول السنة و الايام كلها مباركة ، لازم نغض النظر عن الزلات و نتسامح حتى نتطور ، ادعو الله ان تكونوا جميعا من العتقاء من النار و الدافنين للزلات و مبارك عليكم الشهر
ياريت كل الأشياء الرمضانيه الزينه تستمر طول السنه
آمين
وعلينا و عليك والمسلمين اجمعين
كل عام وانتم بخير
بس هالسنه رمضان عطش مو يوع
يعنى سعر السوائل ارخص من الاكل
رمضان كريم