في هذا الجزء من الموضوع راح نستعرض قائمه جديده من الإعلانات الصريحه, بالإضافه إلى
قراءة لما بين السطور في قضايا أخرى :
شفيها تحملونا 4 سنين , أشوف تحملناكم أيام الإنتخابات /بعض أعضاء المجلس
شهالقلاقه مو من سنين وإحنا نقول حافظوا على نظافة البر شفيكم صمخان/البيئه
ندري قهوتنا عاديه,بس إذا تبي تصير كوول إشربها / ستاربكس
صح وزيرتهم وزيرتنا بس كيفنا مانبي نعترف بنتايجهم / جامعة الكويت -إختبار القدرات
وإللي يرحم والديكم لاتشتغلون بالحكومه ,من زين وظايفها : تعالوا نسلفكم /الشركه الكويتيه للمشروعات الصغيره
سبب رئيسي لأمراض القلب و إرتفاع ضغط الدم و السكري/سوق الكويت للأوراق الماليه
هذرتكم ومسجاتكم تونس مساهمينا وتخلي عالمهم جميل / زين
مجابيس وجنك فوود و تنابل شهاقين يصير فيكم / وزارة الصحه -حملة مكافحة السمنه
إشترنا :أكيد تلقى عندنا خبر عن زيادة المعاشات وإذا ماكو نضرب سنه بشيعه , و بدو بحضر /جريده ما
إسمنا يهبل وصورتنا تفتخ,بذمتكم مانستاهل كم مليون متر عالبحر ابلاش/ مدينة الحرير
إحنا محطة مجاري خسبقتنا,شلون مشاريع ب30 مليار, لا إنفضحنا عدل /وزارة الأشغال
أكيد صمونتنا بدينار,شقالولك إسمنا كلحه / فلافل ناديه
وأخيرا
قول عنا نصابين أو مرادم ,وصج أسهمنا أرخص من الكيت كات بوصبعين
بس صيعناكم عدل ومحد سوالنا شي /شركات الإستثمار
خووش موضووع استانست عليه وفيه تحلطم بس على سنع 🙂
يا محاسن الصدف
13quotes
تفتخ
من وين مطلعها لي الحين في ناس يستخدمونها ..
صباح الخير
قد تستعمل وقد يساء إستخدامها حاليا بصيغة يتعب
وطبعا إهي من مصطلحات حواء