بلوج بوفلان فتح القريحه وذكرني بالفيلم
في فيلم إسمه “crazy people” يعني الميانين
وهو من بطولة الشمحوطه(حينذاك1990)داريل هانا والقصاصه ددلي مور
قصته بإختصار أن البطل مصمم دعايات في شركة إعلانات
وتحوشه لوثه عقليه(أزمة منتصف العمر) ويقرر أنه لازم يكون صريح بالإعلانات ويطلع إعلانات من طقة(إذا تبي تغازل إشتر جاغوار)،بتصرف
تخيلوا إعلانات الوزارات و الشركات إذا صممها شلون تصير
بعد الديباجه،عزيزي وعزيزتي
إذا أردت ممارسة هوايه لاتتطلب حركه طوف الحمره
من أجل أسرتك:لا تقود المركبه قبل كتابة وصيتك
وإنت منتبه ماتضمن ثوالة الأخرين،لا تستخدم الهاتف أثناء القياده
لا تستعجل بالمعامله تأخيرك يزيد إيراداتنا/البطاقه المدنيه
شبوا الكهربا على كيفكم بس إذا طفت لاتبكون/ترشيد
لا تسرف بالمياه:الإنتاج حده حده والشبكه مشخال والله يستر
أخطائنا الطبيه ماتقدر تثبتها شوفلك واسطه و تعالج بالخارج
المعاهد والمدرسين الخصوصيين ما إنتشروا لو المدارس فيها خير/ التربيه
إشتر لهم من المقصف على حسابك/مناهضة العنف المدرسي
تبي خط مباشر تحمل شوية بهدله/ الكويتيه
مسببين لك رعب ؟لا تخاف!:الأمان والإطمئنان/بيت التمويل
نسلفك كثر ماتبي وندفعك غصبن عليك:بنك تعرفه والثقه مالها سالفه
ماعندك فلوس تسلف بس لاتقعد بالكويت/شركات السفريات
مفتشينا صاحين وحتى لو تطلع بواسطه بنفضحك :لاتهرب/الجمارك
ماعندنا غير أخبار التسع والوفيات،شوف غيرنا/تلفزيون الكويت
وأخيرا،أنت وصحتك بالطقاق بس لا تزعجنا بزقارتك
T7l6m 
🙂
كله بصوب و التدخين بصوب
ماشاء الله عليك ما خليت احد
وكلامك كله صح
تصدق ترى ساعات التحبيط ينفع مع بعض الناس واييب نتايج ايجابيه
!!
ويا ربعنا تكلمينهم كذي وماكو فايده
علي فكره تعبت وأنا أكتب تعليق ويطلعلي “إرور” علي
موضوع الزبيديه و الهامور
و أقول تعريف مذيعة المارينا
يعكس خلفيتها الثقافيه
الصراااحه مقااااااااال في قمه الرووعه واااصل كتاباتك
لا داعي
لا داعي
وهالتعليقات الطيبه إهي بنزين كتاباتنا
شكرا ولا داعي
غريبه
مع ان التعليقات ماشيه مع الكل
حاول مره اخرى
🙂
انت الحين مدونتك بلوق سبوت لو وورد برس؟
عشان اقدر اعطيك المفيد
وورد برس
ودخلت على جوجل هلب
وما هلبني
مقالاتك رائعه جدا تستحق ان تكون في جريدة ما مثلا (الوطن)
الكل يمون و مقالاتك صراحة من الواقع و الله المستعان
اممممممممم
وهم امممممممممممممم
يبيله اسوى بلوق
مايبيله شي سولك واحد
وأقترح تسميه قشور