Statuses

أزمة تخطيط

In أخلاقيات, عام on 29/07/2010 by t7l6m

كل يوم تطلعلك جريده بمانشيت فيه كلمة أزمه
أزمة كهرباء
أزمة لحم
أزمة مجاري
ووايد تتكرر “أزمه بين السلطتين”
لكن عندنا أزمه لم تذكرها الجرايد

أزمتنا الجديده “أزمة جوازات”
تجديد الجواز يطول أربعون يوما فقط لاغير نعم (40يوما)
هذي الأزمه عجيبه غريبه
الأزمه مو سببها تدفق أعداد إستثنائيه من المراجعين
ولا سببها تمتع كثير من موظفين الجوازات بإجازاتهم الصيفيه
ولم تنتج الأزمه عن تكاسل أو تراخي الموظفين عن العمل

الأزمه أزمة تخطيط من الدرجه الأولي
ونموذج يلخص أسباب تراجعنا
و فشل في أبجديات إدارة المخزون
وعيب ,وفشله ,وفضيحه, و و و و و وأفففففا عاد مو لي هالدرجه

تدرون شنو سبب الأزمه؟!
إدارة الجوازات ما عندها غلاف للجوازات
خلصوا الأغلفه ويمكن توصل دفعه بعد أربعين يوم

وتصوروا في ناس مو عاجبها تنطر ومو مقتنعه بالسبب القاهر الوارد أعلاه
والله مواطنين أخر زمن
وينكم ماجددتوا جوازاتكم قبل سنه مو صلاحيته خمس سنين
شفيها ,أجلوا أشغالكم وعلاجكم و دراستكم و وناستكم
ومو ضروري تتطمن على واحد من أهلك مريض بره
و أختاه, مو لازم تزورين زوجك إللي يدرس بالخارج لا تخافين ماراح يطير
ليش ماتقدرون,شلون تبون الجواز يطلع بدون غلاف
تبونه أقررررع ع ع ع ع

ماعندي أي تعليق أو ملاحظه او وجهة نظر إضافيه( شرطه ماتغشمر مو وزارة التجاره)

وفي الختام,أتقدم بالإعتذار الشديد, والأسف البالغ , وطلب السماح والعفو
ومع العهد والوعد بعدم تكرار هذا التشبيه الجارح
إعذروني إخواني الأعزاء

القرعان

Advertisements

10 تعليقات to “أزمة تخطيط”

  1. حنا عاذرينك بعد؟؟ بس تدري ان المشكلة مو بس بالمخزون بالتخطيط والمتابعة كل شي صاير بالديرة ازمة (رياضة، كهرباء، تعليم، مجلس امة، حكومة، لحمة) ومن الازمات صارت فينا تخمة ومن ازمة لازمة الله يفرجها ويسهلها أمييييييييييييين

  2. هنا الكويت
    يعترف بالأزمات
    وإن شالله ربنا يفرج أزماتنا كلها
    ويسهلها
    اللهم سلم سلم

  3. لا تقرى جريدة الفتن(الوطن) لمدة شهر راح تشوف ان الازمات قلت الى النصف، لان نصف الازمات وراها مارب اخرى .

    اما بالنسبة لكل ما هو متعلق بوزارة المخالفات ( لان 90% من شغلهم مخالفات)، هذا شي مو مستبعد لان الوزارة غرقانه بالاهمال والفساد الاداري اللامحدود مع الاسف.

    وهذي الكويت ، ابتسم 🙂

  4. معقولة ؟؟

    في تخبطات كبيرة تحصل في البلد ومن كبر حجمها نقدر نعذر الحكومة لأن هذا النوع من التخبطات والأزمات أكبر من العقلية الإدارية بالكويت !!!

    بس مشكلة مثل (غلاف جواز) هذه مصيبة ، يعني معقولة ما يدرون أن مخزون الأغلفة قرب يخلص في فترة الصيف ؟؟ مع أنه موظف واحد قادر يكتشف هالخلل إلا إذا كان العموم مجاز هذا كلام ثاني .. بس أعتقد مثل هالتخبطات المضحكة يكون سببها اهمال وعدم مبالات …

    الحين هالإدارة نقدر نقولهم

    ي ح ب س و ك

    لا لا أضحك أضحك

  5. بما انى حاقد على كل واحد عنده شعر كثيف
    خاصه شباب السبايكى
    فالمفروض مايطلعون لهم جوازات الا بعد تدقيق وتمحيص حتى لو يمتد التدقيق والتمحيص الى ست شهور
    عفوا بس شكو القرعان بالموضوع 🙂

  6. عندهم مخزون استراتيجي مخشوش لبنب واو ، شوفلك واحد يضبطك و اذا كلش كلش ما وصيك 5 دنانير للبنغالي و ابشر بالسعد

    • الحكي من وين الخمسه مالت البنغالي
      هبابنا بندفع الثلاثه مالت التجديد
      هي ثلاثه

  7. هذي اخرتها يا تحلطم؟تسال عن الخمسه دنانير مالت البنغالي

  8. يعني مالقيت الا تشبيه القرعان .. ” ثلاث ارباع الكويتين قرعان ” وبيني وبينك احسن لهم قرعان لانه جونا بالصيف وااااو روووعه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: