Statuses

يا @#%$ & يا إبن ال@#%$

In أخلاقيات, المرور, عام on 28/07/2010 by t7l6m

لقد عاهدت نفسي عند إنشاء مدونتي
أن تقتصر على الموضوعات والقضايا العامه
و أن لا أزج فيها موضوعات شخصيه

ولكن ومع الأسف الشديد و خلال أقل من شهر من تدشين T7L6M
خنت العهد ولحست كلمتي
ولأسباب قاهره ولا تلوموني أو تشرهون ليما تسمعون السالفه

أمس الساعه 10 الليل على شارع دمشق وانا ماشي الهوينا(80 ك/س)
ماسك يمين بين الروضه والعديليه وشغلي قانوني وأخر حلاوه (بالصلاه عالنبي)

أطالع المنظره واللا هالثور الأسود إللي مبقق عيونه وياي ركض وبتوينات بين السيايير
(وانيت شفر شاب العالي ويحذف يمين وشمال)
أنا تبريدت خففت و لزقت بالرصيف واللا الأخ بحذفته يمين حاشني إللا شعره
خرعني صراحه ,وحرني, و رفع ضغطي
وأنا على وشك التعبير لفظيا عن مشاعري تذكرت أن ولدي وزوجتي معاي
وتذكرت مسبة مشرف العيال بدورتهم الصيفيه
كان أصرخ ياخوووووخه(وزدت من عندي) يا إبن الررررقييييييييه

وفي الختام أقول للحبيب راعي الوانيت ومن هم على شاكلته
يا أخي تبي تنتحر كيفك
تبي تتكسر وتتحرول الله وياك
تبي تدخل بغيبوبه حتى إشعار أخر حقك ووقت فراغك وإنت حر فيه
لكن يا@#$% يا إبن ال @#$%@#$#%
لااااا تذبححححححححح الناسسسس يا بجم
واسف على الألفاظ, وإن شاء الله ما أعيدها

Advertisements

18 تعليق to “يا @#%$ & يا إبن ال@#%$”

  1. لووووووووووول

    ترى غشيت على المسبات العجيبه
    خوخه وابن الرقية

    غيرت لي مزاجي الله يسعدك
    🙂

    • الله يسعدك دوم
      وياريت نقتصر بسبنا على هالمسبات
      وننسى المسبه إللي بالعنوان

  2. خطاك السو
    بعدين انت الغلطان شفته ياي مسرع ويبتون لازم تصعد الرصيف الله يهداك وين اداب المرور
    حمدا لله على سلامتكم

    • خطاك اللاش و الله يسلمك
      وإسمحلي جهلي بأداب المرور وحتى لو أعرفها
      سيارتي ما فيها شده تصعد الرصيف
      ولو مسويها كان تشوفها مندنقره هناك

  3. حمد لله على السلامة …

    وبخصوص السب …

    أنا خلاص اعتمدت اللي ذكرتها في مقالتك اللي طافت

    ي ح ب س و ك

    يقع الحمار بين السكان و الكشن

    والحمييييييييير واجد !!!

    • الله يسلمك
      وانا ادري يحبسوك عاجبتك من اول تمون وحلالك
      ومستعد اسجل براءة إختراعها بإسمك
      كم مطلاع عندنا

  4. وشنو يضمن لنا انك ماراح تعيد هالالفاظ الغير مستحبه
    مع العلم بان الحيوانات اللى مربين شعرهم سبايكى
    ومو عاملين اى حساب حق مشاعر الناس بازدياد
    معناها قابليه انك تشوف حيوان منهم يبتون بالشارع جدا عاليه

    • وعد مني ياحب شمسي حدي بالسب خوخه و رقيه
      بعدين الناس مو بكثرة شعرها من عدمه
      الناس سلوكيات وليست مظاهر

  5. يابن الرقية
    خوش مسبة :>

    لوووول
    الحمدلله على سلامتك اهم شي

    والله يستر من هالمجانين…

    • الله يسلمك يالكويت بالفرنساوي
      وهذا فعلا ولد ستين رقيه
      والله يحفظنا وياك والجميع من شر اللي بالشوارع

  6. خوخه خوش اسم
    خلك على احلى
    قمه الاثاره لما تقوله ياولد الرقيه
    لاتدخلون الخوخ بالموضوع 🙂

  7. الصراحة خفت عليك ديربالك يامعود اخاف اصيرفيك شي بعدين المدونة تنتهي بعدين شي قريب هذا يعني عادي بالكويت جذي بس قو قلبك

  8. حمدلله على السلامة وخطاك السوء وفي احد يمشي 80 خلها 100 وابن الرقية منوين يبتها اعجبتني لوووووول

  9. الله يهداك وانت ليش ماشي ٨٠ p-:

    احييك على حفظ لسانك سواء كنت بروحك او مع عيالك وهلك
    لانك لو سابه ما استفدت شي

    بس اعطيك طريقه احلى من السب ؟
    لما تشوف واحد يايك بتوين ويبي يشطف سيارتك عطه نومه ع الخفيف چنك مو شايفه او لف عليه لفه سريعه ورد مكانك خل قلبه ينخض وعيونه تتبحلق ولد الخوخه 🙂

    • الله يهديك يابو فلان أي نومه خفيفه أي لفه سريعه
      لو شايفه شلون ياي أقولك لزقت بالرصيف
      خرعني إبن الرقيه

  10. ويا حلو مسبااتك حتى بمسباتك راااقي

  11. احم
    هذا اكيد عنى انه حتى فى مسباتى راقى
    جزيل الشكر للنجمه

  12. هههههههههههه

    حب شمسي اي عنك

    لا لا لا اضحك معاااك حق تحلطم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: