نشرت الوطن مقال شرشحت فيه المتفوقين عنوانه
“ثقافة متفوقي الثانويه العامه..تولد الإحباط”
وقد إستندت الصحيفه الموقره (قد تكون وجهة نظر ,وقد لا تكون,وإنما ليست بالضروره حقيقه)
على إستبيان من إعدادها يقتصر على 14 سؤال
حول مجلس الأمه و أسماء سياسيين وتواريخ بعض المناسبات
لن أتناول الطريقه اللاعلميه في إعداد الإستبيان و إختيار العينه
فالصحيفه إتبعت المدرسه الإحصائيه المسماة”نخي باجله” والمشهوره بعدم الدقه أو الحياديه
من جانبنا ,وإن اسائنا إهانة أبناءنا المتفوقين من قبل الجرنان إياه
إلا أن الموضوع غير مؤثر بل أن النتائج ذات فائده كبيره
غير مؤثر من ناحية نوعية الأسئله
شنو يستفيد المتفوق إذا عرف أن رولا عضو بالمجلس أو ربة أسره او (إختار أي مهنه تتناسب مع الأسم)
وشنو يهمه إذا كان أمين الجامعه العربيه إسمه عمرو موسى أو عمرو كوسا
وليش نزعل إذا مو حافظ أسم الكوري مال الأمم المتحده (تلقاه في منيو مطعم صيني)
لكن وعلى الرغم من إستيائي من الإستبيان
إلا ان في نتائجه دروس و عبر لأولياء الأمور
إذا تبون عيالكم يتفوقون بعدوهم عن هالخرابيط وشوفوا النسبه كم تصير
أنا شخصيا,وبسبب الإستبيان, إذا واحد من عيالي جاب طاري المجلس ,
أو تكلم بالسياسه , او سألني عن أسم عضو أو وزير ما يلوم إلا نفسه
وفي الختام أقول,,,
للمتفوقين: ياجبل مايهزك ريح,أنتو أبطالنا ووقود مستقبلنا , والله يوفقكم ويحميكم من الحساد
للوطن:قولوا إللي تبون عن المجلس والحكومه صيروا حياديين أو منحازين موضوعيين او غير موضوعيين
لكن لا تكسرون مجاديف عيالنا وشبابنا
T7l6m 
الي تحاول توصله هذي الجريدة ان الي يوخر عن السياسية و عن مجلس الامة يعيش براحة طول حياته
يعني قاعدين يحاولون يوصلون فكرة ان الطالب الي ما يعرف شي عن مجلس الامة راح يكون متفوق، او التاجر الي ما يعرف قاعد تمشي تجارته وكذلك الخ …
طباً هذا ليس بجديد على جريدة( ال…)و السبب معروووف
إسمحلي اخوي عجاج شلت وصفك للجريده
وعلى فكره بين أقواس فيه إثاره أكثر
كل واحد يحط الوصف إللي يبيه
جنك تدري شنو اللي في راسي
شاللي خسبك ديرتنا غير ما يسمى مفهوم (الثقافة)
كنت في نقاش مع واحد من الشباب عن مفهوم الثقافة ومفهوم المتعلم
ودار الحوار بين مؤيد و معارض
خلاصة الكلام الثقافة بداية خلط الحابل بالنابل
والله يكفينا شرها
مسوح يالي تعذر
المسئله اطلاع وقراءه
مو تعمق
اذا المتفوقين يفقدون الاطلاع والقراءه شنو خلينا حق المتخلفين
لابالله ديرتنا تقدمت دام هذول متفوقينا
واضح من تعليقك أنك أيام الثانويه كانت ثقافتك العامه تطغي
على تحصيلك العلمي
شفيك ياحب شمسي صرت نفس توجه الجريده
ياأخي ليش ما تقول أن المتفوقين مأجلين متابعة السياسه
حتي إشعار آخر
مادري الحين يوم كل الكويتيين صاروا مسييسين شحققنا من إنجازات
خلنا على سياسة تقليل الأضرار
بس بقولك شي شلون الطالب يعرف اسم عضو مجلس امة و ماكو واحد منهم عندة انجاز يذكر
يالحبيب الله المستعان
الجريده المذكوره معروفه سياستها وتوجهها فكلامها واستبياناتها ما ينوخذ فيها وعليها بعدين اذا الشخص يبي يتفوق لازم يركز على دراسته وبس وطريقه التدريس عندنا ما تساعد الطالب على الاطلاع لانها ما تحاول تربط الدراسه وموادها بالثقافه وتخليه يبحث ويطلع على كتب غير المناهج وبالاخير هل تعتقد ان الحكومه لها فلسفه تعليميه؟هل الحكومه مهتمه وجاده بتكوين شخصيه للمواطن الكويتي من خلال التعليم؟انت شايف ان الحكومه مقتنعه بأهميه التعليم؟
أنا ماعندي شك أن الحكومه تتمنى تطوير التعليم
بس الرؤيه العامه لأي موضوع أو قضيه بالكويت منظور سطحي وغير فعال
نعتقد أن حل أي مشكله هو المال وهذي مشكلة مشاكلنا
تذكر الصيف الماضي شلون طوروا التعليم
بدلوا أسوار المدارس بدال مايطورون أداء
المدرسين ويزيدون الوسائل التعليميه
الحكومه ما تتمنى . الحكومه تسوي اذا هي فعلا جاده .دوله اعتمادها على النفط ماعندها تعليم لصناعه النفط؟ليش ما يأسسون الطالب لصناعه النفط من المتوسط او الثانوي باضعف الايمان؟مجال النفط واسع من استكشاف الى استخراج وصناعات تحويليه حتى نوصل للتسويق وقس على ذلك التجاره اللي الدوله تاسست عليها . الثانويه التجاريه والغوها ومادري شنو السبب صدقني آخر شي تفكر فيه الدوله هو الانسان. والله ان الانسان الكويتي ماله قيمه عند الحكومه . تدري شنو يسوون بمياه المجاري اجلك الله بعد فضيحه مشرف؟ غير انهم يصبون المجاري بدون معالجه بالبحر قاموا يفرغونه بنويصيب وهالشي مو وايد يدرون عنه . بحيره سوده تذكرك بحرق الآبار بعد الغزو.ما فكروا ان المياه الجوفيه راح تتلوث ؟ وتقول لي االحكومه تبي تطور؟
نعم الحكومه تبي تطور بس المشكله
دايما يخونها التعبير وضربت لك مثل بأسوار المدارس