لا تخاف ولا تروح بعيد بتفكيرك
الموضوع ماله علاقه بالسجن ألله يكافينا وياكم شره
شلون (يحبسوك) و ماله علاقه بالسجن؟ أوضح لكم
الأمريكان حريفة الكمبيوتر واللي يسمونهم geeks
عندهم رمز يستعملونه بينهم إذا يبون يقولون ان الشخص اللي
يشرحون له شغله بالكمبيوتر جحش مايسمع الكلام ولا يفهم ومجننهم
الرمز هو PEBKAC
Problem Exists Between Keyboard And Chair
بالعربي (تقع المشكله بين لوحة المفاتيح والكرسي)
الرمز عجبني وهو ,على فكره,بالصيغه المخففه يعني (خطأ بشري)
أنا ,و كما هو واضح من شكل المدونه, ماني خبير كمبيوتر
لكن طبقت الرمز و أسقطته علي ناس ماعندهم لا فن ولا ذوق ولا أخلاق
ويقودون سيارات,تخيل شنو يسوون
يحدونك,يلفون فجأه,يطوفون الحمره…..إلخ
إذا شفت واحد من هالنمونه تذكر
ي ح ب س و ك
يقع الحمار بين السكان و الكشن
فتمنياتي للجميع بقياده اّمنه وشوارع خاليه من (يحبسوك)
T7l6m 
واذا دعمت خلق الله يحبسوك
كلش كلش يخلونك تاخذ قرض وتعطيهم
وايضا بحال عدم سداد القرض راح يحبسوك
بلشه ابتلشنا
لا كلش مالهم حق
المفروض يخلونك تدعم الناس وتكمل طريجك
وتنثر قشورك على الخط السريع
خفيفه هالسبه ومقبوله وراح أعتمدها في معاملاتي المروريه ،،
أيام الجامعة كان عندنا (كود سري) اذا نبي نتكلم عن دكتور عليه ملاحظات أخلاقية، ولأننا ما نبي هالدكتور يلاحظ أو بعض الطلبة يفهمون الكلام كنا دايما نقول ((ايييه خل بحاله هذا من الـ R.B.D ))
والـ R.B.D تعني الراضي بالدون دنيء !!!
ويا كثرهم والله ، والله كريم
ماعندنا سب إعتبرها فشة خلق
طبقها لما تشوف هالنماين بالشارع,وياكثرهم مع الأسف