بإبتلاء من الله سبحانه نعيش بنعمه كبيره
وبدون فذلكات البعض ” الأمور نسبيه “في الموضوعات القابله للتأويل (عداله,حريه,أمن…إلخ)
أقول أن الكويتيين في نعمه كبيره وما ابالغ إذا قلت ان ناس وايد مو حاسين فيها لأنهم تعودوا عليها
لكن في كويتيين تحسدهم علي بصيرتهم ونظرتهم للنعمه
بومحمد ,ومن عرض كلامه عن الخمه إللي مايعاملون خدمهم زين,قال لو الناس تشوف
أن الخدم نعمه كان عاملوهم عدل
ربك يابهم لك من الاف الكيلوات و سخرهم علشان يخمون وصاختك ويغسلون هدومك
ويزهبون لك بلعتك و يوصلون عيالك ومرتك المجمعات والسوقه
فلان ثاني يقول :مره تمددت علي فراشي الضحى بنام شوي
قعدت أفكر وأتأمل وأحمد ربي علي النعمه الفضيله
علي الفراش المريح
والتكييف الهادي
وأن عندي وقت فراغ ومو محتاج أكد هالحزه
وإني مو منسدح لأني مريض
وأن بالي مرتاح وماكو هم يطير النومه
قلت الله ياريتني و كل الكويتيين نشوف النعمه بعيون بومحمد ورفيجه
علشان تدوم النعمه
لأنها إبتلاء
T7l6m 
اللهم إني أعوذ بك من زوال نعمتك ، وتحول عافيتك ، وفجأة نقمتك ، وجميع سخطك .
اللهم إني أسألك علماً نافعاً ورزقاً طيباً متقبلاً .
اللهم أني أسالك الفوز بالجنة والنجاة من النار.