T7l6m

أهم الأخبار اللي شدتني بالوطن اليوم:

“البوارح تنتج الكهرباء في السالمي”
الموضوع تناولناه سابقا وعلي الرغم من أن الخبر تم إبرازه بالصفحه الأولي(ربع صفحه) وله تكمله صفحه كامله داخليه
أحب أنوه (حلوه أنوه) أن كهربة بوارح السالمي توصل كحد أقصي (إذا الهوا تارس) 26 كيلو وات/ساعه
يعني بالكويتي ماتكفي حق قسيمه 400 متر
فيا أعلام و يا صحافه شوي شوي علينا

“عام..وتجف الأبار الصليبيه”
الخبر يقول ان وزارة الكهربا قررت توقف الصليبي عن البيوت تدريجي
بتخليها ساعتين بالأسبوع للمناطق القديمه و توقفها عن المناطق الجديده
السبه مستشار عالمي قال لهم, وماكذب ,ان الماي الصليبي “يذهب في غير محله”
ولازم بس نستعمله حق خلط ماي محطات التقطير
لأن كل 100 جالون من الماي الحلو اللي يوصل بيوتنا فيه 5 جالون صليبي
السالفه بالموضوع أن اذا خلص الصليبي شيصير
تقول الجريده: “أما عن البدائل فلم تستبعد المصادر اللجؤ إلي مياه الصرف الصحي المعالجه”
طلبي ورجائي من العمام بوزارة الكهربا
شوفوا كل البدائل وسوو إللي تبون
بس وإللي يرحم والديكم لا تشربونا المجاري