تصادفت ويا Mr.APPLE وهو من اسمه عميدنا بالتكنولوجيا وهو بنفس الوقت اللي فسد أخلاقي وساعدني اسوي T7L6M
المهم,سألته شفت إللي كتبته أمس ؟
قاللي ماقمت أقرالك لأن مواضيعك وايد سياسيه
صراحه خربط مخي و ضيعت الباب,وضيق خلقي مرتين
مره لأني فلست من واحد يتابع إللي أكتبه وأنا أدورهم بالتفق
و ضيق خلقي أكثر لأنه أتهمني إني أكتب بالسياسه
و السياسه أخر موضوع أفكر أكتب عنه
ليس لأسباب تتعلق بالنظافه لأن الإنجليز سموها DIRTY GAME
ولا تهربا من الشهره وهي أوسع أبوابه بالكويت
ولا خوفا من المرمطه و البهدله
وبالتأكيد ليس لأن مخباتي متفوخه والسياسه و سيله للتكسب
أسبابي لتجنب الخوض بالسياسه عديده و موضوعيه وسأوجزها أدناه
وواحد منهم أعلاه
أولا المجتمع كله مسيس وإذا كتبت بالسياسه مايبت شى جديد
ثانيا الكتابه بالسياسه تلوع كبدي وتحرمني من مرق اللحم
ثالثا إذا بكتب بالسياسه لازم اتابع القضايا السياسيه وأنا صارلي مده رافع الجامه ومرتاح ومابي أنزلها
نرجع حق موضوع الإتهام وMr. APPLE
قلت مالي إلا بوشماس صديق الطفوله وصاحب الترمومتر السياسي الحساس
أتصلت عليه وقلت له ألحقني بوحجاج دش علي T7L6M وعطني رايك TO BE OR NOT TO BE
رد عقب فتره كأنها الدهر(ربع ساعه) قالي ما في شي لا سياسي ولا قاله الله وأستلمت صك البراءه من التهمه
الحكمه من الموضوع
هددني واحد ينسحب من البلوج جذبنا زبون جديد
ومحاولاتنا مع Mr. APPLE مستمره وسنوافيكم بتطوراتها
T7l6m 
🙂
راح تلقاني كل يوم حاط تعليق
بعد كبدي يالحبيب
ناطر تعليقاتك ودير بالك تقول عني سياسي ترى أزعل
الاخوان (مو قصدي الاخوان المسلمين اللي صاروا معارضة الحين) المصريين يقولون الشتيمة تلف تلف و ترجع لصاحبها
و عندنا المشكلة تلف تلف و ترجع سياسية
الله ارحم بعبادة
الدليل القاطع والبرهان الساطع
كلامك أكبر دليل
وأسطع برهان (شرايك) أن كل شئ أصبح مسيس
بس مايمشي عندي هالكلام
ماليش دعوه بالسياسه يعني ماليش دعوه فيها
والحاضر يبلغ الغايب