ويك إند ونكد؟
مايرهم
الويك إند لازم وناسه وسعد
الويك إند حياتك فوضى هدد
لا يواعدك أحد ولا تعطي أحد وعد
بالويك إند لاتقول حق أحد”ويهد”
بالويك إند لايهمك من قام وقعد
ومن تكلم لا تسأل شقال وشقصد
ولاتسأل بالكره من قول ومنو إنفرد
ولاتكون من إللي بالسياسه إنقرد
بالويك إند حلاته غيم مطر ورعد
وقواري على الدوة إذا الجو برد
وسوالف أحلى من العسل والشهد
لا تصرخ على ياهل ولا تقول ياولد
بالويك إند إرتاح
إعتبر نفسك شايب من الدنيا زهد
T7l6m 
ههههههههههههه
مدد يا اسيادنا مدد
كلام احلى من العسل
و أشهي من الشهد
تحياتي :))
تحياتي لك دكتور
وتعليقك هو العسل
وبالضحكة إكتمل
وومنها الزعل رحل
كلام جميييييييييل 🙂
أنا هاذا 3 أسبوع إلي في الشغل بعد “قطيعة” ل 5 أشهر تقريباً ، بدأت أحس بأهمية يوم الخميس و كيف يفرح الكل بقدومه 🙂 🙂
هذا من ذوقك أخي هيثم
والمفترض من الجميع إستثمار العطلة لتجديد الطاقة
ونسيان هموم العمل
حياك الله منورنا
” بالويك إند إرتاح
إعتبر نفسك شايب من الدنيا زهد ”
جاااااان زيييييييين نقدر
🙂
خوش بوست
إي والله جان زين نقدر
أصلا أنا كاتب هالبيت آخر شي لأنه من أحلامي وتمنياتي
بس بصراحه هالويك إند صمت عن تويتر والمدونه وتفرغت للقرايه
وخلصت روايه حلوه ودشيت بروايه ثانيه قريت منها يمكن 100 صفحه
والدليل على ذلك إن ردودي على التعليقات تأخرت
أهم أهم أهم شي خل حياتك فوضى هدد …
لا تصرخ على ياهل ولا تقول ياولد
إيه و الله يعني بلاها تحمر العين في الإجازات هودوا اشوي على اليهال .. الله يصلحهم ..
خوش مزاج على الويك إند ..
عساك على القوه
وتحياتي لك و للأسره الكريمه
ياريت الواحد يقدر يخلي حياته فوضى هدد بس صعب
الفوضى تزيد شويه بالويك إند واللا إلتزام كذلك
واليهال الله يعينهم علينا ويعينا عليهم
الله يقويج أختي
وحياج الله
السلام عليكم
شلونكم ان شالله بخير ..
أول مشاركة لي بالمدونة
والموضوع جذبني
لان كلنا نحب الويك اند وننطره باحر من الجمر
ومشكورين 🙂
السلام عليكم
وحياك الله بزيارتكم لمدونتنا و نرحب فيك دائما
فعلا ننتظر الويك إند من يوم الأحد ويزيد الشوق له يوم بعد يوم
والمفروض بعد الإنتظار نستمتع فيه ونبتعد عن ضيقة الخلق
الشكر لكم لمروركم ومشاركتكم